Субота: пра здароўе і не толькі
15.04.2019
Мерапрыемствы ў рамках Дня здароўя прайшлі ва ўстанове 13 красавіка: спартландыю “Фізкульт-Ура!” для 8-11 класаў правёў Жалезны У.А., настаўнік фізічнай культуры і здароўя; прафілактычную акцыю “Твае адносіны да пагубных звычак” арганізавала педагог сацыяльны Занька А.А.; экскурсію на Люсінскую ААП “Шляхі-дарогі ў свет здароўя” для вучняў 1-4 класаў правяла Жалезная З.І.
Ва ўстанове згодна плана прайшлі факультатыўныя заняткі, заняткі ў аб’яднаннях па інтарэсах, прадметныя кансультацыі па інфарматыцы, грамадска-карысная праца.
У чарговы раз да нас завіталі выхаванцы цэнтра дзіцячай і юнацкай творчасці г. Баранавічы. Нашы экскурсаводы правялі для іх экскурсію ў літаратурна-этнаграфічным музеі Якуба Коласа, пасля чаго госці з захапленнем разглядалі прылады сялянскага побыту ў музеі.
У гэты ж дзень вучні 10-11 класаў прынялі ўдзел у рэпетыцыйным тэсціраванні. Каманда ювеналаў “Эрудыт” у інтэлектуальнай гульні “Што? Дзе? Калі?”, якая прайшла ў РЦДЮТ, стала трэцяй. Удзел у фінале раённага конкурса песні «SongVision 2019» прыняла вучаніца 6 класа Занька Паліна.
А.Ю.Рылка,
намеснік дырэктара
па асноўнай дзейнасці