Семінар настаўнікаў замежнай мовы
12.04.2019
12 красавіка на базе нашай установы прайшло паседжанне раённага метадычнага аб'яднання настаўнікаў замежнай мовы. Адкрытыя ўрокі для сваіх калег правялі настаўнікі Цярэшка Г.І. (у 7 класе) і Віктаровіч Н.К. (у 9 класе). Перад удзельнікамі семінара выступілі члены аб'яднання па інтарэсах "Фанцім" (кіраўнік Цярэшка Г.І.) з пастаноўкай "Мэры Попінс" на англійскай мове. Вучні 11 класа Занька Аляксей, Занька Любоў і Літвіновіч Уладзіслаў таксама на англійскай мове правялі для гасцей экскурсію ў літаратурна-этнаграфічным музеі Якуба Коласа. У ходзе семінара педагогі абмеркавалі пытанні выкладання замежнай мовы ва ўстановах адукацыі.
А.І.Занька,
настаўнік інфарматыкі