Субота з бацькамі
17.03.2019
Субота, 16 сакавіка, пачалася ва ўстанове з грамадска карыснай працы, пад час якой прайшла акцыя “Чысты двор”: вучні 6-9 класаў добраўпарадкавалі тэрыторыю каля помніка загінуўшым аднавяскоўцам. Згодна раскладу ва ўстанове прайшлі факультатыўныя заняткі, заняткі ў аб’яднаннях па інтарэсах, кансультацыя па рускай мове для вучняў і бацькоў.
У рамках бацькоўскага дня прайшлі ў 4 класе бацькоўскі сход “Магчымасці вучняў класа і іх рэалізацыя ў вучэбнай дзейнасці”, у 7 класе бацькоўскі сход “Нявырашаныя праблемы дамашняга кантролю і дапамогі дзіцяці”. Кансультацыю “Цяжкасці ў выхаванні падлетка” правяла педагог-псіхолаг Шуляк А.В., а педагог-арганізатар Занька М.В. правяла інтэлектуальную гульню “Што? Дзе? Калі?”, у якой перамогу атрымала каманда дзяцей.
Каманда дзяўчынак нашай установы прыняла ўдзел у адборачным турніры раённых спаборніцтваў па валейболе, але прабіцца ў фінальную частку, на жаль, не змаглі.
А.Ю.Рылка,
намеснік дырэктара
па асноўнай дзейнасці