Субота і здароўе
03.03.2019
Мерапрыемствы ў рамках шматпрофільнай акцыі “Моладзь выбірае здаровы лад жыцця” прайшлі ў школе ў суботу, 2 сакавіка: гульня “Чаму добра быць здаровым?” для 1-4 класаў, гутарка з элементамі віктарыны “Здаровым быць здорава” для 8-11 класаў, урок здароўя “Не алкаголю, наркаманіі і тытунякурэнню” для 5-7 класаў, акцыя “Мы выбіраем ЗЛЖ” для 1-11 класаў. Пад час мерапрыемстваў дзеці замацавалі свае веды аб складаючых здароўя, даведаліся аб новых медыцынскіх тэрмінах, займаліся спортам.
Пад час грамадска карыснай працы вучнямі былі падрыхтаваны віншавальныя паштоўкі да 8 сакавіка сваім матулям, бабулям і любімым настаўніцам. Згодна раскладу ва ўстанове прайшлі факультатыўныя заняткі, кансультацыі па рускай мове, заняткі ў аб’яднаннях па інтарэсах.
Актыўны ўдзел у рамках шостага школьнага дня прынялі вучні ў раённых мерапрыемствах: інтэлектуальнай гульні “Што? Дзе? Калі?” (каманда юніёраў стала трэцяй), у раённым этапе Рэспубліканскага конкурсу лідараў “СуперТройка” сярод членаў ГА “БРПА”, адборачных спаборніцтвах па валейболе сярод юнакоў (каманда заняла 3-е месца і ,на жаль, не трапіла ў фінальную стадыю), конкурсе дыскапраграм “Даеш, моладзь!” (наша праграма прызнана лепшай).
А.Ю.Рылка,
намеснік дырэктара
па асноўнай дзейнасці