Семінар настаўнікаў гісторыі
21.02.2019
21 лютага ў школе адбылося пасяджэнне раённага вучэбна-метадычнага аб’яднання настаўнікаў гісторыі і грамадазнаўства па тэме “Выкарыстанне інфармацыйна-камунікацыйных тэхналогій і электронных адукацыйных рэсурсаў у адукацыйным працэсе па гісторыі і грамадазнаўстве як сродкаў арганізацыі актыўнай вучэбна-пазнаваўчай дзейнасці вучняў”. З мэтай ўдасканальвання прадметна-метадычнай падрыхтоўкі педагогаў па выкарыстанні інфармацыйных тэхналогій настаўнікі раёна наведалі адкрыты ўрок па гісторыі ў 7 класе па тэме “Утварэнне Рэчы Паспалітай”. У ходзе правядзення вучэбнага занятку настаўнік гісторыі вышэйшай катэгорыі Сіроткіна Алена Рыгораўна дэманстравала прымяненне сучасных інфармацыйных тэхналогій і актыўных метадаў і прыёмаў (выкарыстанне лэпбукаў) у навучанні. Урок нагадваў творчую майстэрню. У час абмеркавання гучалі толькі добрыя водгукі. Настаўнікам было чаму павучыцца: кожны ўзяў для выкладання прадмета новае і карыснае.
В.Р.Гайцюкевіч,
намеснік дырэктара
па асноўнай дзейнасці