Наша скрыпка ў Дзяржаўным музеі Я.Коласа
14.02.2019
Вучні нашай школы Занька Ларыса, Жалезны Ягор, Занька Паліна разам з настаўнікамі беларускай мовы і літаратуры Амбражук Л.М. і Антыкала Н.А. прынялі ўдзел у конкурсе творчых работ «У словах-вобразах, у песнях вольнаплынных…», які праводзіўся Дзяржаўным літаратурна-мемарыяльным музеем Якуба Коласа. Па выніках конкурсу на цырымонію ўзнагароджвання пераможцаў была запрошана Занька Паліна, вучаніца 6 класа. Паліна разам з матуляю Занька Т.С. і настаўніцай Амбражук Л.М. накіравалі на конкурс “Скрыпку”, зробленую сваімі рукамі, для ўдзелу ў намінацыі “Прыкладное мастацтва”. Са слоў Паліны і яе мамы Занька Т.С. шмат добрых уражанняў засталося ў іх пасля цырымоніі і ўвогуле ад наведвання Дзяржаўнага музея Якуба Коласа.
А.Ю.Рылка,
намеснік дырэктара
па асноўнай дзейнасці