Маленькія героі вялікай вайны
08.02.2019
З 4 па 8 лютага ва ўстанове прайшлі мерапрыемствы, прысвечаныя Дню памяці юнага героя-антыфашыста. На працягу тыдня ўспаміналі імёны маленькіх герояў вялікай вайны, якія паказалі, якім вялікім можа стаць маленькае дзіцячае сэрца, калі разгараецца ў ім святая любоў да Радзімы і нянавісць да яе ворагаў. 8 лютага асаблівую ўвагу надалі ўшанаванню памяці піянераў-герояў. Актывам нашай піянерскай дружыны “Неспакойныя сэрцы” пад кіраўніцтвам педагога-арганізатара Занька М.В. праведзена ўрачыстая агульнашкольная лінейка, на якой хвілінаю маўчання ўшанавалі памяць загінуўшых юных герояў у гады Вялікай Айчыннай вайны. Для вучняў пачатковых класаў класнымі кіраўнікамі Дзічка Л.С. і Жалезнай З.І. праведзены лекторый з праглядам відэафільма “Юныя героі-антыфашысты”. У 2 класе прайшла класная гадзіна “Дзень юнага героя-антыфашыста”, у 8 і 9 класе прайшлі выхаваўчыя мерапрыемствы “Успомнім усіх паіменна” і “Маленькія героі вялікай вайны”.
Зберажом памяць аб тых, хто загінуў, змагаючыся за незалежнасць роднай зямлі.
А.Ю.Рылка,
намеснік дырэктара
па асноўнай дзейнасці