Усе прафесіі важныя
01.10.2018
Выбар прафесіі – адказны і важны крок у жыцці кожнага чалавека. Мы дапамагаем сваім вучням пазнаёміцца з рознымі прафесіямі, каб затым ім лёгка было абраць тую, якая падабаецца ім. Вось і 29 верасня, у суботу, ва ўстанове прайшлі прафарыентацыйныя мерапрыемствы: фотапрыцэл “Прафесія бібліятэкара”, дзе наведаўшы сельскую бібліятэку дзеці бліжэй пазнаёміліся з прафесіяй бібліятэкара, гульня-падарожжа “Усе работы харашы”, пад час якой вучні 1-4 класаў параўноўвалі значнасць розных прафесій, а вось вучні 10-11 классаў шмат даведаліся аб рабоце настаўніка, наведаўшы музейны пакой сістэмы адукацыі Ганцавіцкага раёна.
У гэту ж суботу ва ўстанове прайшла акцыя “Чысты двор” і вечар адпачынку “Каляровыя фарбы жыцця”.
Каманда “Эрудыт” (10-11 кл) нашай установы прыняла ўдзел у інтэлектуальнай гульні “Свая гульня”, а лепшыя бегуны ўстановы спаборнічалі ў раённым асеннім легкаатлетычным кросе, дзе Амельяновіч Максім стаў трэцім, Занька Ганна - другой, Сяргейчык Юлія - першай.
А.Ю.Рылка,
намеснік дырэктара
па асноўнай дзейнасці