Першы ўрок
02.09.2017
1 верасня. У гэты дзень усе дарогі вядуць да школы. Нарадныя вучні, усхваляваныя бацькі і настаўнікі. Гэты дзень – Дзень ведаў. Пасля ўрачыстай лінейкі, прысвечанай Дню ведаў, усіх вучняў школы паклікаў званок на першы ўрок, які прайшоў пад назвай “Беларусь – мая Айчына!”.
Усе мы з вамі жывём у краіне, якая носіць прыгожую назву – Рэспубліка Беларусь. Гэта зямля, на якой мы нарадзіліся. Зямля, дзе жывуць нашы бацькі, дзядулі і бабулі.
Радзіма – гэта родны дом і твае бацькі, гэта родная школа і твае сябры, гэта родны край і народ, які ў ім жыве.
На першым уроку класныя кіраўнікі звярнуліся да крыніцы нацыянальнай культуры беларускага народа. Падкрэслілі ролю і значнасць Францыска Скарыны ў развіцці беларускага кнігадрукавання. Абапіраліся на веды вучняў, атрыманая на ўроках літаратуры, геаграфіі.
А.Ю.Рылка,
намеснік дырэктара
па асноўнай дзейнасці