Мэта работы клуба:

усебаковае гарманічнае развіццё сацыяльна-актыўнай асобы з улікам яе асаблівасцей, раскрыццё творчых здольнасцей дзяцей шляхам уключэння іх у розныя віды дзейнасці, вынікам якіх з'яўляюцца павышэнне эрудыцыі, развіццё логікі і уяўлення

Задачы:

• развіццё кругагляду дзяцей; дапаўненне і паглыбленне ведаў, атрыманых на ўроках; падтрыманне міжпрадметных сувязей
• стварэнне ўмоў для інтэлектуальнага росту дзяцей; развіццё ўвагі, мовы, мыслення; развіццё ўменняў узаемадзейнічаць у групе
• выхаванне патрэбы ў самаадукацыі; павышэнне агульнакультурнага ўзроўню; пабуджэнне інтарэса да інтэлектуальных відаў дзейнасці; выхаванне культуры паводзін у калектыве

  Выхаванцам прадастаўлены ў карыстанне камп'ютарны клас з наяўнасцю ў ім сучаснага абсталявання. Вучні на занятках вывучаюць гісторыю інтэлектуальнага руху ў свеце,  тэарэтычны матэрыял па арганізацыі і правядзенні інтэлектуальных спаборніцтваў. Асноўны час адводзіцца для правядзення інтэлектуальных турніраў, пры гэтым выкарыстоўваюцца разнастайныя інтэрактыўныя формы, у аснову якіх пакладзены тэлевізійныя перадачы, вядомыя яшчэ з мінулага стагоддзя, такія як: "Што? Дзе? Калі?", "Свая гульня", "Шчаслівы выпадак", "Слабое звяно", а таксама перадачы, якія атрымалі папулярнасць у апошні час на Беларусі, сярод іх - "Я ведаю", "На вылёт", "Адзін супраць усіх", "Вежа". Акрамя планавых заняткаў рабяты прымаюць актыўны ўдзел у інтэлектуальных турнірах, якія арганізуюцца на базе інтэлектуальнага клуба "Шанец" РЦДЮТ г. Ганцавічы, і ва ўсіх узроставых групах дасягаюць добрых вынікаў. Члены гуртка становяцца ўдзельнікамі абласных і рэспубліканскіх турніраў. Так, у сезоне 2018/2019 гг каманда юніёраў выступіла ў фінале рэспубліканскага кубка "Вясна-2019", які прайшоў у Мінску; у сезоне 2020/2021 гг каманда ювеналаў прадстаўляла наш раён у чэмпіянаце Брэсцкай вобласці па інтэлектуальных гульнях сярод навучэнскай моладзі. Члены клуба з задавальненнем гуляюць з камандамі педагогаў, бацькоў. Так, у мінулым навучальным годзе цікава і змястоўна прайшла гульня паміж зборнымі камандамі дзяцей і бацькоў у межах раённага семінара намеснікаў дырэктараў школ па выхаваўчай рабоце. У лістападзе 2018 г у нашай школе прайшла міжнародная сустрэча з удзелам гасцей з Рэспублікі Малдова.

  У сезоне 2022/2023 гг. каманды інтэлектуальнага клуба "Эрудыт" у трох узроставых групах ("Дзеці" - 5-7 класы, "Ювеналы" - 8-9 класы, "Юніёры" - 10-11 класы) на раённых турнірах заваявалі 18 прызавых месцаў, у тым ліку дзевяць - першых, чатыры - другіх, пяць - трэціх. Па выніках усіх гульняў (уключаючы і каманду дзяцей 3-4 класаў) наша ўстанова падзяліла 1-е месца разам з гімназіяй г. Ганцавічы. Каманда старшакласнікаў прадстаўляла раён на ІІІ этапе чэмпіяната Беларусі па інтэлектуальных гульнях. Выдатных поспехаў дабілася каманда 8-10 класаў у рамках спартыўна-мастацкага фестывалю "Вытокі. Шлях да Алімпу", якая стала пераможцай раённага этапу квест-гульні і паказала трэці вынік на абласным этапе ў г.Баранавічы. Запамінальнай стала гульня "Што? Дзе? Калі?", праведзеная да Дня сям'і разам з бацькамі. У нашай школе быў арганізаваны і праведзены на высокім узроўні раённы турнір з удзелам сямі ўстаноў адукацыі.

  У конкурсах "Інтэлектуал" - індывідуальных інтэлектуальных спаборніцтваў для вучняў 4-10 класаў удзельнікамі ад нашай установы заваяваны адно першае і адно другое месцы.

СЕЗОН 2023-2024 гг

Каманда ювеналаў (8-9 кл, капітан Амельяновіч Паліна) - пераможца раённага турніру 16 верасня 2023 г

Каманда юніёраў (10-11 кл, капітан Занька Аляксандр) - прызёр раённага турніру (2-е месца) 30 верасня 2023 г

Каманда ювеналаў (8-9 кл, капітан Амельяновіч Паліна) - пераможца раённага турніру 14 кастрычніка 2023 г

Каманды ювеналаў (8-9 кл, капітан Амельяновіч Паліна) і юніёраў (10-11 класы, капітан Занька Аляксандр) - прызёры (2-я месцы) раённага этапу міжнароднага турніру "Оскар-2023" 21 кастрычніка 2023 г

Каманды ювеналаў (8-9 кл, капітан Амельяновіч Паліна) - 2-е месца і юніёраў (10-11 класы, капітан Занька Аляксандр) - 3-е месца Ў Ганцавіцкім раёне абласнога сінхроннага турніру 27 кастрычніка 2023 г

Каманда дзяцей (7 кл, капітан Дзямідчык Юлія) - прызёр (2-е месца) раённага этапа міжнароднага асінхроннага турніру "Ластаўка" 12 лістапада 2023 г

Каманда юніёраў (9-11 кл, капітан Занька Аляксандр) - прызёр раённага этапа турніру "Шпага Суворава" (3-е месца) 9 снежня 2023 г

Каманда "Эрудыт" (6-7 кл, капітан Дзямідчык Юлія) - пераможца раённага турніру 16 снежня 2023 г

Каманда "Эрудыт" (8-9 кл, капітан Дзямідчык Станіслаў) - пераможца раённага турніру 13 студзеня 2024 г

Каманды "Эрудыт" (10-11 кл, капітан Занька Аляксандр - 11-е месца), "Эрудыт" (8-9 кл, капітан Амельяновіч Паліна - 8-е месца) - удзельнікі ІІІ этапа Рэспубліканскага чэмпіяната па інтэлектуальных гульнях
г.Баранавічы, 21 студзеня 2024 г

Каманда "Эрудыт" (7 кл, капітан Дзямідчык Юлія) - прызёр раённага турніру (3-е месца) 24 лютага 2024 г

Каманда "Эрудыт" (8-9 кл, капітан Дзямідчык Станіслаў) - прызёр раённага турніру (2-е месца) 2 сакавіка 2024 г

Каманда "Эрудыт" (9-10 кл, капітан Занька Эдуард) - прызёр раённага турніру (2-е месца) 9 сакавіка 2024 г

Каманда "Эрудыт" (5-7 кл, капітан Дзямідчык Юлія) - пераможца раённага турніру 23 сакавіка 2024 г

Каманда "Эрудыт" (8-9 кл, капітан Амельяновіч Паліна) - прызёр раённага турніру (2-е месца). 6 красавіка 2024 г

Каманда "Эрудыт" (9-10 кл, капітан Занька Эдуард) - пераможца раённага турніру 13 красавіка 2024 г