Навагоднія ранішнікі ў дзіцячым садку
29.12.2016
28 снежня праходзілі навагоднія ранішнікі ў дзіцячым садку. Дзеткі разам са Снягурачкай шукалі нос Снегавіка, які спяшаўся на ёлку да дзяцей і не ведаў, дзе яго загубіў. На свята прыходзілі Ліса і Мядзведзь, якія прапаноўвалі Снегавіку сняжок і бутылку кока-колы замест носа. Але беднаму Снегавіку такія насы не падыходзілі. Потым дзеткі спелі песні і патанцавалі вакол ёлкі, каб развесяліць Снегавіка. Засталася адзіная надзея на Дзеда Мароза, якога ўсе голасна пазвалі і, канешне, ён дапамог. Ён папрасіў у Зайчыкаў маркоўку, якая Снегавіку была як раз замест носа. Зайчыкамі былі хлопчыкі з малодшай групы, якія развесялілі ўсіх сваім танцам. Дзеці разам з Дзедам Марозам, Снягурачкай і іншымі героямі вадзілі хараводы вакол ёлкі і пелі песні. Усе атрымалі падарункі ад Дзеда Мароза, але спачатку прыйшлося злавіць дзедаў мяшок. Усе засталіся вельмі задаволеныя святам.
В.Р.Жалезная,
настаўнік хіміі