Суботні дзень узаемадзеяння з сям'ёй
29.09.2024
У рамках шостага школьнага дня ў нашай установе прайшлі мерапрыемствы, прысвечаныя Дню ўзаемадзеяння з сям'ёй. Для бацькоў першакласнікаў адбыўся занятак "Бацькоўскага універсітэта" па тэме "Адаптацыя вучняў шасцігадовага ўзросту да школьных умоў". У ходзе мерапрыемства класны кіраўнік 1 класа Жалезная Людміла Уладзіміраўна пазнаёміла бацькоўскі калектыў з асаблівасцямі адаптацыі дзяцей да першага года навучання ў школе, а таксама прапанавала практычныя парады па адаптацыі дзіцяці да школы.
У шосты школьны дзень навучэнцы аб'яднання па інтарэсах "Юны эколаг" вывучалі біяразнастайнасць дрэў і кустоў. Пазнавалі іх па лісцях і галінках. Знаёміліся са значэннем дрэў і кустоў для прыроды і чалавека.
Вучні нашай установы ўзяліся за падрыхтоўку святкавання Дня настаўніка. Рабяты з аб'яднання па інтарэсах "Прэс-цэнтр" правялі апытанне сярод педагогаў і навучэнцаў, які тычацца прафесіі настаўніка, вынікі якога будуць размешчаны ў спецвыпуску. Яркія і непаўторныя віншавальныя плакаты ствараюцца намаганнямі нашых навучэнцаў. Словы падзякі і ўдзячнасці за бясцэнную працу чакаюць педагогаў у творчым выкананні вучняў.
У рамках праекта шостага школьнага дня "Ствараючы натхняем" сёння дадзены старт правядзенню творчых выстаў вучняў. Увазе іх былі прадстаўлены работы вучняў пад кіраўніцтвам настаўніка абслуговай працы Вольгі Леанідаўны Клявец. Многія кампазіцыі станавіліся пераможцамі і прызёрамі раённых конкурсаў, а сама выстава заняла 2 месца ў раённым конкурсе "Мары! Стварай! Аб'ядноўвай! Стварай!"
