Суботні калейдаскоп
15.09.2024
У рамках шостага школьнага дня ў нашай установе прайшоў Дзень здароўя. Па традыцыі ў другую суботу верасня школьны стадыён збірае дзяцей на восеньскі лёгкаатлетычны крос. Усе рабяты адказна падышлі да спаборніцтваў і паказалі выдатныя вынікі, а пераможцаў чакае цырымонія ўзнагароджання на агульнашкольнай лінейцы.
З мэтай фарміравання ўяўлення аб значнасці дзіцячых і маладзёжных грамадскіх аб'яднанняў у працэсе выхавання вучняў з бацькамі другакласнікаў быў праведзены бацькоўскі сход. Класны кіраўнік Аляксейчык Святлана Мікалаеўна арганізавала абмеркаванне будучага ўступлення другакласнікаў у акцябраты.
Вучні 8 класа далучыліся да акцыі "Сад надзеі " і разам адправіліся ў школьны сад збіраць ураджай яблыкаў.
Масавым мерапрыемствам дня стала прэзентацыя аб'яднанняў па інтарэсах "Краіна творчасці". Кожны школьнік у пачатку дня атрымаў маршрутны ліст з прапанаванымі аб'яднаннямі па інтарэсах і наведаў арганізаваныя тэматычныя пляцоўкі. Рабяты паспрабавалі сябе ў ролі эколага на пляцоўцы "Юны эколаг", батлейшчыкамі "Спадчыны", рэпарцёрамі "Прэс-цэнтра", валанцёрамі роўнага навучання аб'яднання "Роўны навучае роўнага", сталі майстрамі на ўсе рукі разам з аб'яднаннем "Ствараючы натхняем". У ходзе займальнага падарожжа па "Краіне творчасці" рабяты змаглі пераканацца ў разнастайнасці свету дадатковай адукацыі.
