"Краіна творчасці" у шосты дзень
08.10.2023
У рамках шостага школьнага дня 7 кастрычніка нашы вучні наведваюць не толькі школьныя выхаваўчыя мерапрыемствы, але і таксама актыўна ўдзельнічаюць у раённых. Так, для малодшых школьнікаў прайшло мерапрыемства пад кіраўніцтвам педагога-псіхолага Рылка Аліны Юр'еўны "Я ў свеце добрых учынкаў". Занятак быў накіраваны на развіццё ўмення суперажываць, фарміраванне гуманнасці, пашырэнне кругагляду вучняў. Падчас заняткаў рабяты абмеркавалі прыказкі і прымаўкі пра дабро, разгадвалі крыжаванку, пагулялі ў гульню "Добрыя справы".
Сапраўдным святам для нашых вучняў стала правядзенне майстар-класаў і канцэртна-гульнёвай праграмы "Вас вітае Краіна творчасці". Дзякуючы педагогам і навучэнцам Ганцавіцкага РЦДЮТ наша актавая зала напоўнілася дзіцячымі усмешкамі, захапленнем і гучнымі апладысментамі. Рабяты з аб'яднання "Алмаз" здзівілі усіх непаўторным выкананнем знакамітых музычных кампазіцый. З захапленнем слухалі гледачы выкананне аўтарскіх вершаў таленавітых удзельніц літаратурнага аб'яднання "Верасок". Прыгажосць і натхненне вучні атрымалі ад заняткаў дэкаратыўна-прыкладным мастацтвам падчас майстар-класаў. Нашы вучні таксама падзяліліся сваімі ўменнямі, вопытныя экскурсаводы правялі для гасцей экскурсію ў літаратурным музеі.
Каманда малодшых эрудытаў - вучняў 3-4 класаў - (трэнер Жалезная В.Р.) прыняла ўдзел у раённым інтэлектуальным турніру ў РЦДЮТ. Першая гульня сезона ўдала закончылася для нашых рабят: яны занялі 2-е месца.
