ШАГ: Культура беларускага народа: традыцыі, спадчына, сучаснасць
27.04.2023
27 красавіка прайшоў чарговы занятак праекта "Школа актыўнага грамадзяніна", тэмай якога "Гонар за Беларусь. Культура беларускага народа: традыцыі, спадчына, сучаснасць». Занятак пабудаваны паводле двух інфармацыйных блокаў: "Беларусь – краіна шматвяковай і самабытнай культуры", "Беларусь – краіна таленавітых людзей". Беларуская культура займае своеасаблівае месца сярод іншых культур. Захоўваючы сваю самабытнасць і непаўторнасць, разам з узнікненнем першых дзяржаў на нашых землях і бярэ свой пачатак развіццё беларускай культуры. Непарушныя помнікі архітэктуры, унікальны жывапіс, захапляльная музыка, непаўторныя літаратурныя творы, любімыя беларускія фільмы – усё тое, што назапашвалася стагоддзямі, і тое, што неабходна захаваць і зберагчы маладому пакаленню. Пра гэта навучэнцы разважалі ў працэсе абмеркавання першага блока. Вядома, у захаванні культурнай спадчыны велізарная роля належыць дзяржаве, вынік гэтага бачыць кожны беларус – узвядзенне мемарыяльных комплексаў, рэстаўрацыя палацавых комплексаў і замкаў, адкрыццё новых музеяў – неацэнны ўклад у развіццё культуры.
Ганаровым госцем на мерапрыемстве стала Занька Тамара Сяргееўна, загадчык Люсінскага сельскага клуба. У пачатку выступу Тамара Сяргееўна адзначыла, што пачала сваю прафесійную дзейнасць без профільнай адукацыі, але час хутка ідзе наперад і ўвесь час чалавек знаходзіцца ў творчым і прафесійным пошуку, так на сённяшні дзень Тамара Сяргееўна стала навучэнскай Пінскага каледжа мастацтваў. Люсінскі сельскі клуб - гэта дзяржаўная ўстанова культуры, якая адносіцца да клубнай сістэмы. На базе клуба працуюць тры дзіцячыя аб'яднанні па інтарэсах: "Дэкаратыўна-прыкладное мастацтва", "Дамавёнак", "Мурашка". Таксама дзейнічаюць аб'яднанне "Вяснянка «і фальклорны калектыў "Дубравушка", якія наведваюць дарослыя жыхары аграгарадка Люсіна. Калектыву "Дубравушка", які пачаў сваю дзейнасць у 2009 годзе, па рашэнні Міністэрства культуры у 2019 годзе прысвоена званне "Народны". Аснову рэпертуару фальклорнага калектыву складаюць рэгіянальныя і мясцовыя творы, запісаныя ад доўгажыхароў. Вялікая ўвага надаецца мясцовым абрадам такім, як "Радзіны", "Гуканне вясны", "Агледзіны", "Выкуп нявесты", "Каравай", "Купалле" і інш. У 2022 годзе калектыў прыняў удзел у брэндавай пляцоўцы "Гонар нацыі" на Міжнародным фестывалі мастацтваў «Славянскі базар». 21 красавіка праводзіліся здымкі тэлепраграмы "Наперад у мінулае" Беларускага тэлебачання. У сакавіку самая малодшая ўдзельніца калектыву наша навучэнка 10 класа Занька Паліна прымала ўдзел у абласным конкурсе народнай песні "Крынічка", на якім выканала мясцовую песню.
Дзякуючы актыўным і ініцыятыўным людзям, іх стваральнай працы ручаёк народнай творчасці ніколі не высахне, а будзе напоўняцца новымі творамі культуры, дарыць непаўторнае народнае мастацтва, а маладое пакаленне будзе мець магчымасць прымнажаць дасягнутае.