Інтэлектуальныя гульні дзяцей і педагогаў
01.04.2023
У час вясенніх канікул прайшлі раённыя інтэлектуальныя турніры, у якіх прынялі ўдзел настаўнікі і вучні. Спачатку 30 сакавіка мацнейшых высвятлялі каманды педагогаў. Наша каманда "Праметэй" у чарговы раз стала прызёрам, заняўшы 2-е месца. Дарэчы, па выніках трох гульняў сезона люсінскія педагогі сталі другімі, а перамога дасталася камандзе з гімназіі г. Ганцавічы.
31 сакавіка ў барацьбу ўступілі каманды школьнікаў. Для юніёраў (10-11 класы) гэта была ўжо пятая гульня сезона. Каманда "Эрудыт" падцвердзіла сваю моц, заняўшы першае месца, раздзяліўшы яго з інтэлектуаламі гімназіі г. Ганцавічы. Па выніках сезона нашы юніёры ўпэўнена занялі першае месца ў сваёй узроставай групе.