Дзень Канстытуцыі Рэспублікі Беларусь
15.03.2023
У нашай установе адукацыі прайшлі святочныя мерапрыемствы, прымеркаваныя да Дня Канстытуцыі Рэспублікі Беларусь. Раніца ў нашых вучняў пачалася з урачыстай лінейкі. Асноўны закон Рэспублікі Беларусь быў прыняты 15 сакавіка 1994 года. Кожны год грамадзяне нашай краіны адзначаюць гэты дзень. Грамадзянін Рэспублікі Беларусь! Здавалася б, простыя тры словы. Але як шмат сэнсу яны ў сабе нясуць. Дырэктар школы Валянціна Вячаславаўна Зялёнка павіншавала вучняў і настаўнікаў са святам, адзначыла, што наша краіна сапраўды з’яўляецца унітарнай дэмакратычнай сацыяльнай правававой дзяржавай, якая надае вялікую увагу адукацыі, развіццю спартыўных і творчых здольнасцей вучняў. І ў такі святочны дзень вучні 9 класа атрымалі падарункавы камплект выдання “Я – грамадзянін Рэспублікі Беларусь”. Валянціна Вячаславаўна пажадала вучням памятаць, што толькі ад іх залежыць будучыня краіны і захаванне Канстытуцыі Рэспублікі Беларусь – гэта абавязак сапраўднага грамадзяніна.
У дзень Канстытуцыі за асаблівыя дасягненні ў спартыўным жыцці школы вучні 9 класа Сяргейчык Паліна і Цялушка Сяргей былі ўдастоены гонару стаць удзельнікамі Усебеларускай акцыі “Мы – грамадзяне Беларусі” і атрымалі пашпарт і памятныя падарункі ад старшыні Ганцавіцкага раённага выканаўчага камітэта Бялова Уладзіміра Уладіміравіча.
Вучні 9 і 11 класаў прынялі ўдзел у інтэлектуальным турніры “Свая гульня” “Канстытуцыя – сіла закона асноўнага”. Інтэлектуальная гульня садзейнічае актуалізацыі атрыманых раней ведаў аб Канстытуцыі Рэспублікі Беларусь, павышэнню ўзроўню прававой граматнасці старшакласнікаў, пашырэню іх кругагляду, фарміраванню камунікатыўных і лідарскіх здольнасцей.
Для вучняў 2-3 класаў прайшлі класныя гадзіны на тэму “Канстытуцыя – асноўны закон Рэспублікі Беларусь”. Маленькія грамадзяне ўжо добра ведаюць, што Канстытуцыя забяспечвае непарушнасць правоў чалавека, гарантуе суверэнітэт краіны і парушаць асноўны закон краіны нельга.
