ШАГ: "Захоўваем мінулае, шануем сучаснасць, будуем будучыню"
22.12.2022
У рамках інфармацыйна - адукацыйнага праекта «Школа Актыўнага Грамадзяніна» 22 снежня 2022 года для навучэнцаў 8 -11 класаў адбыўся занятак на тэму «Гонар за Беларусь. Захоўваем мінулае, шануем сучаснасць, будуем будучыню» (вынікі Года гістарычнай памяці).
У інфармацыйным блоку "Без тэрміну даўніны" (пошукавая і даследчая дзейнасць) абмеркавалі пытанні аб генацыдзе беларускага народа ў гады Вялікай Айчыннай вайны, аб укладзе беларускага народа ў вялікую Перамогу, аб увекавечанні памяці загінуўшых пры абароне Айчыны, аб захаванні памяці аб ахвярах вайны. У рамках тэмы вучаніца 10 класа Наумік Кацярына падзялілася рэалізацыяй сваей пошукавай дзейнасці аб месцы масавага растрэлу ў вёсцы ў гады Вялікай Айчыннай вайны.
У блоку "Нам ёсць чым ганарыцца, нам ёсць што захоўваць" абмяркоўвалася тэма праведзеных мерапрыемстваў па ўшанаванні памяці Герояў Беларусі, аб святочных мерапрыемствах з нагоды юбілеяў выдатных беларусаў, аб тых мясцінах, якія павінен наведаць кожны ў Год гістарычнай памяці.
У блоку “Гістарычная памяць – сувязь часоў і пакаленняў” навучэнцы расказвалі пра ўдзел моладзі ў развіцці дзяржавы, пра праекты моладзевых грамадскіх аб'яднанняў, пра асабісты ўдзел у рэспубліканскіх праектах, конкурсы. Вялікую ролю ў прыцягненні ўвагі моладзі да вывучэння подзвігу герояў пад час Вялікай Айчыннай вайны надаецца сумеснаму беларуска-расійскаму праекту “Цягнік Памяці”. Вельмі адметна, што ў гэтым годзе для кожнага вучня ёсць магчымасць стаць удзельнікам праекта, прыняўшы ўдзел у конкурсе “Я - патрыёт”.