Дзень грамадзянска-патрыятычнага і духоўна-маральнага выхавання
04.12.2022
У рамках шостага школьнага дня вучні нашай школы наведалі мерапрыемствы, якія былі накіраваны на грамадзянска-патрыятычнае і духоўна-маральнае выхаванне.
Вучні пачатковых класаў разам з класным кіраўніком 1 класа Жалезнай З.І. у ходзе занятку «Была вайна» наведалі сельскую бібліятэку, дзе яны з вялікім інтарэсам разглядалі кнігі аб вайне, а таксама уважліва слухалі апавяданні аб дзецях вайны.
З мэтай фарміравання ў вучняў актыўнай грамадзянскай пазіцыі, папулярызацыі здаровага ладу жыцця ў школе прайшлі спаборніцтвы «Сіла адзінства». Вучні з вялікім задавальненнем прынялі ўдзел у лыжным забегу.
У рамках акцыі «Дабратой сябе памерай», прымеркаванай да Дня інвалідаў, нашы вучні зладзілі сапраўдную майстэрню па вырабу падарункаў для дзяцей з асаблівасцямі развіцця.
Інтэлектуальная каманда «Маленькі эрудыт» не перастае нас радаваць; у чарговы раз, дзякуючы плённай і сістэматычнай падрыхтоўцы пад кіраўніцтвам трэнера Жалезнай В.Р, рабяты занялі 3-е месца ў раённым інтэлектуальным турніры «Што? Дзе? Калі?». Віншуем каманду і іх трэнера з выдатным вынікам!
А.А. Курылік,
намеснік дырэктара па асноўнай дзейнасці