Дзень прафарыентацыі
20.11.2022
У рамках Дня прафарыентацыі для вучняў 5-7 класаў прайшла займальная прафарыентацыйная гульня «Адзін дзень з жыцця». Рылка А. Ю., педагог-псіхолаг, дапамагла рабятам адчуць сябе ў ролі настаўніка, доктара, прадаўца і кухара. Дзеці пераканаліся, як важна якасна выконваць сваю работу і спрабаваць знайсці падыход да кожнага чалавека. Пра існаванне розных, часам нават самых дзіўных, прафесій даведаліся дзеці па выніках віктарыны «У свеце прафесій». Класны кіраўнік 2 класа Занька Л.У. распавядала вучням, наколькі важныя абсалютна ўсе прафесіі. Члены гуртка "Юны патрыёт" прайшлі па сцяжынках айчыннай вытворчасці. Стрыжыч А. К. правяла ўрок-прэзентацыю "Зроблена ў Беларусі", падчас якога пазнаёміла рабят з дасягненнямі беларускай вытворчасці. Дзеці пераканаліся, што за кожным таварам спажывання стаіць велізарная праца людзей самых разнастайных прафесій.
У рамках Тыдня прававых ведаў для навучэнцаў 9 класа прайшоў трэнінгавы занятак «Інтэрнэт для дзяцей: як не стаць ахвярай кібербулінгу, грумінгу, буліцыду, небяспечнага кантэнту».
Першы снег стаў для нашых навучэнцаў прадвеснікам надыходзячых зімовых святаў, цудоўнага і казачнага часу. На занятках грамадска-карыснай працы вучні актыўна рыхтуюцца да ўпрыгожвання навучальных кабінетаў і ўдзелу ў конкурсах на лепшае навагодняе афармленне класнага пакоя.
Вучні 7 класа сталі ўдзельнікамі пазнавальнай інтэлектуальнай гульні «Люблю свой край, старонку гэту», прысвечанай 25-годдзю народнага гісторыка-краязнаўчага музея ДУА «Дзяніскавіцкая сярэдняя школа». У спартыўнай зале ДУА "Ганцавіцкая СШ імя Героя Савецкага Саюза А.П.Брынскага" прайшоў адборачны турнір па валейболе сярод каманд 8-9 класаў у рамках Спартакіяды школьнікаў. Каманда ювеналаў "Эрудыт" (8-9 кл) паспяхова прыняла ўдзел у раённым інтэлектуальным турніры «Што? Дзе? Калі?", што прайшоў у РЦДЮТ, і заняла 1-е месца.
А.А. Курылік,
намеснік дырэктара па асноўнай дзейнасці