Субота: дзень прафарыентацыі
16.10.2022
У шосты школьны дзень вучні нашай школы маюць магчымасць не толькі наведаць факультатыўныя заняткі і аб’яднанні па інтарэсах, але і паўдзельнічаць у разнастайных выхаваўчых мерапрыемствах. Так, з мэтай прафарыентацыі рабяты наведалі ПАСП №12 аг. Люсіна, пазнаёміліся з прафесіяй выратавальніка. Дзецям было вельмі цікава на свае вочы паглядзець, якімі сродкамі пажарныя выратоўваюць жыцці людзей, і ў выніку прыйшлі да адзінага меркавання, што гэта прафесія адна з самых значных.
Вучні 8-9 класаў прынялі ўдзел у дзелавой гульні “Дарогі, якія мы выбіраем”, падчас якой прайшлі анкетаванне, што дапамагло рабятам вызначыць прыярытэтныя накірункі прафесійнай дзейнасці для будучага паступлення.
Педагог-псіхолаг Рылка А.Ю. дапамагла вучням здейсніць завочны экскурс у краіну сучасных прафесій. Шакалацье, спічрайтар, тытэстэр, вэб-майстар – цяпер для нашых рабят гэта не незнаёмыя словы, а рэальныя і вельмі цікавыя прафесіі.
У рамках Тыдня бацькоўскай любові адбыўся трэнінгавы занятак “Аб каханні і закаханасці”, на якім вучні абмяркоўвалі, у чым розніца паміж каханнем і закаханасццю, з дапамогай інтэрактыўных заданняў выяўлялі іх прыкметы, разважалі аб найвышэйшым прызначэнні гэтага пачуцця.
Акрамя школьных мерапрыемстваў нашы вучні прынялі актыўны ўдзел і ў раённых. У РЦДЮТ прайшоў інтэлектуальны турнір "Што? Дзе? Калі?", на якім паспяхова выступіла каманда "Эрудыт" (5-7 класы), паказаўшы другі вынік. Хоміч Марыя стала ўдзельніцай паседжання раённай школы піянерскага актыву “Лідар”. Каманда шашыстаў у складзе вучняў 9 класа (тры хлопчыкі і адна дзяўчынка) сыграла ў раённых спаборніцтвах, прысвечаным Дню маці.
А.А. Курылік,
намеснік дырэктара па асноўнай дзейнасці