Дзень здароўя “Вясеннія старты”
10.04.2022
Тыдзень здаровага ладу жыцця ва ўстанове завяршыўся правядзеннем 9 красавіка Дня здароўя “Вясеннія старты”. У рамках Дня здароўя ва ўстанове прайшлі: кансультацыя педагога сацыяльнага Макарэвіч Ю.С. “Як кіраваць сваімі паводзінамі”. Настаўнік фізічнай культуры і здароўя Жалезны У.А. запрасіў вучняў 1-10 класаў на агульнашкольны вясенні легкаатлетычны крос, які прайшоў на школьным стадыёне. Па выніках спаборніцтваў лепшымі сталі: Сяргейчык Паліна, Цялушка Сяргей, Занька Антон, Цялушка Эмілія, Цялушка Яраслаў, Амельяновіч Паліна. Класны кіраўнік 4 класа Жалезная З.І. правяла для вучняў пачатковых класаў час разважання “Камп’ютар і здароўе”, па выніках якога вучні прыйшлі да высновы, што гульні на камп’ютары і гаджэтах можна замяніць гульнёй у тэніс, футбол, “Два капітаны” і інш.
Згодна плана выхаваўчых мерапрыемстваў у шосты школьны дзень ва ўстанове былі праведзены: факультатыўны занятак па геаграфіі “Зямля Беларуская” для вучняў 9 класа, кансультацыі па гісторыі, заняткі па прафесійнай падрыхтоўцы для вучняў 10-11 класаў на базе УА “Ганцавіцкі дзяржаўны прафесійны ліцэй с/г прамысловасці”, грамадска-карысная праца; заняткі ў гуртках “Патрыёт”, “Фантазія”, Прэс-цэнтр”, “Роўны навучае роўнага”, пасяджэнне клуба па інтарэсах “Забаўнік”.
Для ўдзельнікаў гуртка “Патрыёт” быў арганізаваны турнір па настольным тэнісе. У выніку лепшым тэнісістам стала Занька Юльяна.
Каманда “Эрудыт” прыняла ўдзел у раённым турніры “Што? Дзе? Калі?” для вучняў 8-9 класаў і стала пераможцай інтэлектуальнай гульні.
А.Ю. Рылка,
намеснік дырэктара па асноўнай дзейнасці