У суботу аб прафесіях і не толькі
26.09.2021
Настаўнікі запрасілі вучняў 25 верасня на прафарыентацыйныя мерапрыемствы. Круглы стол “Прафесійнае самавызначэнне” з праглядам відэапрэзентацый сярэдніх спецыяльных і вышэйшых устаноў Беларусі правяла педагог сацыяльны Малышка А.С. для вучнў 9-10 класаў. Класны кіраўнік 2 класа Жалезная Л.У. арганізавала для вучняў пачатковых класаў гульнёвую праграму “Карнавал прафесій”, на якой дзеці знаёміліся з рознымі прафесіямі і іх значэннем. Вучні 5-7 класаў сталі ўдзельнікамі гадзіны разважання “Выбар прафесіі – справа сур’ёзная”, якую правяла класны кіраўнік 7 класа Амбражук Л.М.
Згодна плана выхаваўчых мерапрыемстваў у шосты школьны дзень ва ўстанове былі праведзены: факультатыўны занятак па геаграфіі “Еўразія - мацярык кантрастаў” для вучняў 9 класа, кансультацыі па гісторыі для вучняў 6-9 класаў, заняткі па прафесійнай падрыхтоўцы для вучняў 10-11 класаў на базе УА “Ганцавіцкі дзяржаўны прафесійны ліцэй с/г прамысловасці”, грамадска-карысная праца і заняткі ў гуртках “Патрыёт”, “Фантазія”, Прэс-цэнтр”, “Роўны навучае роўнага”.
Педагогам-арганізатарам Богдан В.У. для вучняў 4-5 класаў праведзены урок мабільнасці, на якім дзеці пазнаёміліся з мэтамі ўстойлівага развіцця ў нашай краіне. Дзецям былі прапанаваны відэаролікі “Что такое ЦУР?”.
Каманда “Эрудыт” пад кіраўніцтвам педагога дадатковай адукацыі Занька А.І. у складзе 4 вучняў 7 класа прыняла ўдзел у раённай інтэлектуальнай гульні “Што? Дзе? Калі?” і заваявала 2-е месца.
А.Ю. Рылка,
намеснік дырэктара
па асноўнай дзейнасці