Шосты дзень: прафарыентацыя, выбары і інш.
19.11.2023
18 лістапада ў рамках шостага школьнага дня нашы вучні наведвалі мерапрыемствы, накіраваныя на прафарыентацыю і працоўнае выхаванне.
У ходзе гульневай праграмы "Калейдаскоп прафесій" вучні пачатковых класаў удзельнічалі ў конкурсах: "Прафесія ці пасада", " Спецыялісты", "Знатакі сельскіх прафесій", "Хто тут працуе" і іншых. Пераможцы атрымалі салодкія падарункі.
Вучні 7-8 класаў прынялі ўдзел у гасцёўні "Духоўны свет чалавека" на базе Люсінскай сельскай бібліятэкі з удзелам настаяцеля царквы Пакрова Прасвятой Багародзіцы іерэя Сергія. У атмасферы дабразычлівсці вучні разважалі аб чалавечай сутнасці, аб дабраце чалавека і прабачэнні бліжняга.
Пачаліся прадметныя алімпіяды ІІ этапу Рэспубліканскай алімпіяды (замежная мова, грамадазнаўства, фізіка, хімія, руская мова). Першы алімпіядны дзень не прынёс прызавых месцаў нашым вучням. Старшакласнікі прынялі ўдзел у репетыцыйным тэсціраванні на базе гімназіі г.Ганцавічы.
У суботу ў нашай ўстанове завяршылася дзелавая гульня "Выбары лідара вучнёўскага самакіравання". Да гэтага 17 лістапада кандыдаты праводзілі актыўную агітацыю: публічна выступалі перад выбаршчыкамі, распаўсюджвалі агітацыйныя лістоўкі, таксама выкарыстоўвалі сацыяльныя сеткі. 18 лістапада вучні выбралі свайго лідара, на выбарчым участку прысутнічала атмасфера хвалявання, назіральнікі сачылі за парадкам, кожны выбаршчык адказна ставіўся да сваёй ролі. А хто стаў лідарам вучнёўскага самакіравання мы даведаемся на лінейцы ў панядзелак, 20 лістапада.