Дзень прафарыентацыі і працоўнага выхавання
19.03.2023
У рамках шостага школьнага дня для вучняў былі праведзены факультатыўныя заняткі, працавалі аб'яднанні па інтарэсах, а таксама прайшлі цікавыя, карысныя і пазнавальныя мерапрыемствы.
Пад час віктарыны "Усе прафесіі добрыя" рабяты ўдзельнічалі ў гульні "Веру - не веру", пазнаючы цікавыя гістарычныя факты аб прафесіях розных часоў.
У рамках праекта "Бацькоўскі універсітэт" для навучэнцаў 9-10 класаў адбыўся майстар-клас па пляценні папяровай лазы, арганізатарам якога выступіла мама вучаніцы 10 класа Занька Паліны Занька Тамара Сяргееўна. Тамара Сяргееўна кіруе Люсінскі сельскім клубам і актыўна займаецца творчасцю, адзін з накірункаў яе дзейнасці ўжо доўгія гады з'яўляецца пляценне з папяровай лазы. У ходзе майстар-класа ўдзельніцы навучыліся нарыхтоўваць аснову для будучага вырабу, даведаліся пра этапы апрацоўкі паперы, пра спецыфіку выбару матэрыялу для насычэння нарыхтовак і нават некаторыя хітрасці дадзенага майстэрства. Этап пляцення вырабаў патрабуе працяглага навучання. Тамара Сяргееўна прадэманстравала, як правільна фіксаваць аснову любога вырабу і паказала асновы пляцення з папяровай лазы. Ва ўсіх удзельнікаў майстар-клас выклікаў масу станоўчых эмоцый, а ў некаторых нават з'явілася жаданне паспрабаваць сябе ў новым віду творчасці.
Нашы вучні здзейснілі экалагічную акцыю "Здай макулатуру – выратуй дрэва", тым самым нагадалі сваім учынкам аб неабходнасці берагчы лясныя рэсурсы.
Каманда "Эрудыт" 8-9 класаў у раённым турніры "Што? Дзе? Калі?", першы тур якога быў прысвечаны прававой тэматыцы, прадэманстравала выдатныя інтэлектуальныя здольнасці, лагічнае мысленне і кемлівасць і, як вынік, заняла ганаровае 2-е месца.
А.А. Курылік,
намеснік дырэктара па асноўнай дзейнасці