Бацькам аб здароўі і бяспецы дзяцей
02.10.2020
Адзіны дзень бацькоўскіх сходаў прайшоў ва ўстанове 1 кастрычніка. Бацькі вучняў 1-11 класаў сустрэліся ў вучэбных кабінетах з класнымі кіраўнікамі, адміністрацыяй установы. Тэма бацькоўскіх сходаў - “Здароўе і бяспека дзяцей – тэрыторыя грамадскасці, сям’і і школы”. Перад бацькамі выступіў спецыяліст УАЗ “Люсінская ААП” Крупеніч В.А., якая расказала аб прывівачнай кампаніі дзяцей і дарослых, мерах індывідуальный бяспекі пад час пандэміі, медыцынскіх аглядах і іншым. На сходах было разгледжана пытанне аб рабоце апякунскага савета, аб зрасходаваных сродках у 2020 годзе, зменах у складзе савета і мерапрыемствах на 2020/2021 навучальны год. Намеснік дырэктара па асноўнай дзейнасці Гайцюкевіч В.Р. расказала бацькам аб арганізацыі прафесійнай падрыхтоўкі вучняў 10-11 класаў, профільным навучанні, арганізацыі факультатыўных заняткаў у 2020/2021 навучальным годзе, дыстанцыйным навучанні. Намеснік дырэктара Рылка А.Ю. нагадала бацькам вытрымкі са Статута ўстановы, Правіл унутранага распарадку для вучняў, аб дзелавым стылі адзення, расказала аб выкарыстанні мабільных тэлефонаў, пропусках вучэбных занятках, паводзінах і інш. Аліна Юр’еўна таксама расказала аб арганізацыі занятасці вучняў у пасляўрочны час у аб’яднаннях па інтарэсах, спартыўных секцыях, клубах. Дырэктар установы Зялёнка В.В. распавяла бацькам аб выніках аздараўленчай кампаніі ў летні перыяд, аб стварэнні ўмоў па ахове здароўя і жыццядзейнасці дзяцей, аб праведзеных рамонтных работах ва ўстанове, пазнаёміла з планам асноўных мерапремстваў на 2020/2021 навучальны год.
А.Ю. Рылка,
намеснік дырэктара
па асноўнай дзейнасці