Дабрачынная ярмарка
24.12.2019
Дабрачыннасць і міласэрнасць – гэта тое, што заўжды будзе цаніцца сярод людзей любых узростаў. Набліжаюцца Навагоднія святы, ад якіх усе дзеці чакаюць цудаў. Кожны з нас можа сам стварыць цуда, праявіўшы сваю ўвагу і дабрыню да тых дзяцей, якім не хапае любові. У рамках акцыі "Нашы дзеці" і "Цуды на Каляды" 24 снежня ва ўстанове актывам п/а ГА “БРПА”, “БРСМ” была арганізавана дабрачынная ярмарка, у якой прынялі ўдзел вучні 1-11 класаў, настаўнікі і бацькі. Пад час ярмаркі рэалізоўваўся продаж хатняй выпечкі, падзелкаў, зробленых сваімі рукамі. Сродкі, атрыманыя ад продажу пад час ярмаркі, будуць накіраваны на падарункі дзецям-інвалідам і дзецям з малазабяспечаных сем’яў. Вельмі прыемна, што ў гэтым годзе актыўны ўдзел у дабрачыннай ярмарцы прынялі бацькі.
А.Ю.Рылка,
намеснік дырэктара
па асноўнай дзейнасці