Сустрэча гасцей з Малдовы
11.12.2019
11 снежня нашу ўстанову наведала дэлегацыя педагогаў з Рэспублікі Малдова. Замежных гасцей вучні і настаўнікі сустрэлі хлебам-соллю. У файе другога паверху была падрыхтавана візітка: малдаўскія педагогі даведаліся аб дзейнасці нашай школы, дасягненнях вучняў у вучобе, алімпіядным руху, спартыўных спаборніцтвах, інтэлектуальных гульнях і інш. У літаратурна-этнаграфічным музеі былі праведзены майстар-класы па вязанню і пляценню Занька Т.С. і Занька А.У., у выкананні фальклорнага калектыву "Дубравушка" прагучалі народныя песні, члены аб'яднання па інтарэсах "Спадчына" прадставілі інсцэніроўку "Дарэктар" па паэме Я.Коласа "Новая зямля", аб рэчах, якімі карысталіся сяляне ў мінулым, расказалі вучні 10 класа Ірына Агалец і Раман Занька пад час прадстаўлення "Музей у чамадане". Госці былі задаволены цёплым прыёмам. Сустрэча пакінула прыемныя ўражанні ва ўсіх удзельнікаў праведзеных мерапрыемстваў.
А.Ю.Рылка,
намеснік дырэктара
па асноўнай дзейнасці
Фотарэпартаж глядзі ў раздзеле "ФОТАГАЛЕРЭЯ"