Экскурсія ў Мінск
06.11.2019
У час асенніх канікул, 5 лістапада, настаўнікамі пачатковых класаў была арганізавана забаўляльна-пазнаваўчая, прафарыентацыйная экскурсія ў г. Мінск. Удзельнікі экскурсіі наведалі прадпрыемства СААТ “Камунарка” і музей авіацыі. На “Камунарцы” рабяты змаглі даведацца і паназіраць, як вырабляюцца цукеркі і іншыя салодкія вырабы гэтага прадпрыемства. Усе дзеці атрымалі салодкія падарункі. А вось у музеі авіацыі дзяцей чакала захапляльная экскурсія аб развіцці канструявання самалётаў і верталётаў у нашай краіне. Дзецям была прадстаўлена магчымасць падняцца на некаторыя экспанаты музея. Па завяршэнні экскурсіі многія рабяты падзяліліся сваім жаданнем стаць хто лётчыкам, хто сцюардэсай, а хто кандытарам.
А.Ю.Рылка,
намеснік дырэктара
па асноўнай дзейнасці