Святочнае мерапрыемства ў ГДК
03.10.2019
Святочнае мерапрыемства, прысвечанае Дню настаўніка, прайшло 3 кастрычніка ў гарадскім доме культуры. У ім прынялі ўдзел нашы настаўнікі і вучні. У танцавальнай зале ГДК былі прадстаўлены выставы работ конкурса “Музей у чамадане”, у тым ліку і дзве выставы нашай установы “У нашай памяці іх вечны імёны…” і “Хата палешука”, якую прадставілі вучні 10 класа Агалец Ірына і Занька Раман. Пад час урачыстага мерапрыемства Ганаровай граматай галоўнага ўпраўлення па адукацыі Брэсцкага аблвыканкама ўзнагароджана Жалезная Людміла Уладзіміраўна, настаўніца пачатковых класаў, а Ганаровай граматай аддзела па адукацыі Ганцавіцкага райвыканкама ўзнагароджана дырэктар Люсінскага дзіцячага сада – сярэдняй школы Зялёнка Валянціна Вячаславаўна.
А.Ю.Рылка,
намеснік дырэктара
па асноўнай дзейнасці