У суботу аб прафесіях
30.09.2019
Прафарыентацыйныя і працоўныя мерапрыемствы прайшлі ва ўстанове ў суботу, 28 верасня. Гульнёвую праграму “Лабірынт прафесій” правяла педагог сацыяльны Занька А.А., экскурсію ў аддзяленне сувязі “Паштовая сувязь у нашай краіне” арганізавала класны кіраўнік 4 класа Жалезная Л.У. Пад час грамадска-карыснай працы сабрана насенне з кветнікоў і сухое лісце. Актыўна папрацавалі ўдзельні гуртка “Спадчына” у музеі, а вось удзельнікі гуртка “Фантазія” зрабілі прыгожыя віншавальныя паштоўкі. Вучні 9-10 класаў рыхтавалі віншавальныя сценгазеты да дня настаўніка. Каманда ўстановы “Эрудыт” (5-7 кл.) прыняла ўдзел у раённым інтэлектуальным турніры гульні “Што? Дзе? Калі?”, дзе сталі другімі. А завяршыўся суботні дзень вечарам адпачынку “Весялосьці час”.
А.Ю.Рылка,
намеснік дырэктара
па асноўнай дзейнасці