Семінар педагогаў-арганізатараў
12.04.2017
11 красавіка на базе нашай установы прайшоў раённы семінар педагогаў-арганізатараў па тэме "Фарміраванне грамадзянскасці і патрыятызму ў членаў дзіцячых і моладзевых грамадскіх аб'яднанняў на падставе культурна-гістарычных каштоўнасцей, працоўных і баявых традыцый беларускага народа". Спачатку ўдзельнікі семінара наведалі літаратурна-этнаграфічны музей Якуба Коласа. Затым ім было паказана інсцэніраванае свята "Гуканне вясны". Класныя кіраўнікі 6 і 7 класаў Стрыжыч А.К. і Сіроткіна А.Р. правялі завочнае падарожжа для сваіх выхаванцаў "Ведай і любі Беларусь!". Госці семінара сталі сведкамі літаратурна-музычнай праграмы "Даўно скончылася вайна ...". Усе прысутныя адзначылі высокі ўзровень праведзеных мерапрыемстваў. Педагогі-арганізатары абмеркавалі пытанні выхаваўчай работы ва ўстановах адукацыі.
Н.А.Антыкала,
намеснік дырэктара
па асноўнай дзейнасці
Фотарэпартаж з семінара глядзі ў раздзеле ФОТАГАЛЕРЭЯ