Памяць юных герояў-антыфашыстаў
09.02.2018
8 лютага ва ўстанове прайшлі мерапрыемствы, прысвечаныя Дню памяці юнага героя-антыфашыста. У гэты дзень асаблівую ўвагу надалі ўшанаванню памяці піянерам-героям. Актывам нашай піянерскай дружыны “Неспакойныя сэрцы” пад кіраўніцтвам педагога-арганізатара Цялушко Н.А. праведзена ўрачыстая агульнашкольная лінейка, на якой хвілінаю маўчання ўшанавалі памяць загінуўшых юных герояў у гады Вялікай Айчыннай вайны. Членамі піянерскай дружыны арганізаваны прагляд відэафільма “Памяць юным героям” для вучняў 5-8 класаў. Вучні 2, 6, 8, 9 класаў сталі ўдзельнікамі выхаваўчых мерапрыемстваў, праведзеных класнымі кіраўнікамі Жалезнай Л.У. (лекторый з праглядам відэафільма “Юныя героі-антыфашысты”), Антыкала Н.А. (інфармацыйная гадзіна “8 лютага – Дзень памяці юнага героя-антыфашыста”), Сіроткінай А.Р. (круглы стол “Мы памятаем”).
Вечна будзе жыць у нашых сэрцах памяць аб юных героях, якія аддалі сваё жыццё за свабоду і шчасце людзей.
Н.А.Цялушко,
педагог-арганізатар