Казачнае матэматычнае падарожжа
11.01.2018
Казачнае падарожжа здзейснілі вучні пятага класса, дапамагаючы Івану Царэвічу выратаваць сваю нявесту. У пошук адправіліся у складзе трох каманд, якім дзеці самі далі назвы і абралі сабе капітанаў. Ратуючы прыгажуню, пабывалі на шматлікіх матэматычных станцыях, з энтузіязмам і стараннем выконваючы адпаведныя заданні. У “Размінцы” лідзіравала каманда “Фізічны батон”, у “Заданні Хаткі” мацнейшымі былі “Выдатніцы”. Капітанам ад Бабы Ягі дасталося асабістае заданне, з якім лепш справіўся капітан каманды “Фізічны батон” – Дамброўскі Станіслаў. А тым часам іх каманды адказвалі на вясёлыя матэматычныя пытанні. Тут “Драконы” і “Фізічныя батоны” былі нараўне. А вось у Заданнях Чароўнага Лесу мацнейшымі аказалася каманда “Драконы”. “Фізічны батон” быў пераможцам у заданнях ад Змея Гарыныча. І не дзіўна, што крыжаванку ад Царэўны разгадалі хутчэй і лепш “Выдатніцы”. У выніку мэта падарожжа была дасягнута, пераможцай выйшла каманда “Фізічны батон”з лікам 26 балаў, на 1 бал ад іх адсталі “Драконы”, а Выдатніцы“ набралі 22 балы. Усе каманды атрымалі граматы і адпаведныя адзнакі за першае, другое і трэцяе месца.
В.Р.Жалезная,
настаўніца хіміі і матэматыкі